राजस्थान म्हारी शान है,
म्हाने ईण रो घणो अभिमान है।
वीरां री आ अटल धरा,
बलिदानां री पहचान है।

तीर्थराज पुष्कर रो पाणी,
ब्रह्मा मंदिर प्यारो है।
जठे जौहर करिया राणियां,
इतिहास घणो उजाळो है।

सहेलियां री बाड़ी देखो,
हवा महल अर जंतर-मंतर,
सतियां री शान निराली है।
धरती रो हर कोनो-कोनो,
गाथा वीरां री न्यारी है।

महाराणा प्रताप, दुर्गादास,
अर वीरांगना सुजा कंवर भी जाणी है।
तीज-त्यौहार अर रीति-रिवाज,
परंपरा घणी निराली है।

मान-मर्यादा अर संस्कार,
म्हारी सबसे बड़ी रखवाली है।
दादोसा, काकोसा, बाबोसा री,
बोली घणी न्यारी है।

बना अर बाईसा री बड़ी शान निराली,
पोशाक घणी सुहाणी है।
राणियां ज्यूं जो सजी-धजी,
म्हारी संस्कृति पहचाणी है।

गढ़, किला अर कोटड़ियां,
म्हारी शान अर आन है।
जयपुर, उदयपुर, जोधपुर,
अर बीकानेर म्हारो देशाणो है,
सब म्हारो अभिमान है।

मोट, बाजरी, छाछ, राबड़ी,
केर-सांगरी स्वादो है।
पंचकुटा अर दाल-बाटी-चूरमा,
म्हारो असली पहचानो है।

किन शब्दां में करूं बखाण,
म्हारो राजस्थान सुहाणो है।
माटी रो हर कण-कण बोले,
म्हारो मरुधर तो खजानों है।

जय-जय राजस्थान